इतिहास

दि-०५ नोव्हेंबर १९२८ रोजी मा. सर चार्ल्स गॉर्डन हिल फाॅसेट, केटी आय.सी.एस. पुईस्ने न्यायमुर्ती मुंबई उच्च न्यायालय यांनी ही न्यायालयीन इमारत खुली घोषीत केली. या इमारतीची रचना/आराखडा मुंबई सरकारच्या सल्लागार वास्तुविशारदच्या यांच्याकडुन करण्यात आली होती. ही इमारत सार्वजनिक बांधकाम विभागाच्या मुख्यालय कार्यालयातील अधिकारांच्या देखरेखेखाली बांधण्यात आली.
तसेच या इमारतीचा अंदाजे मंजूर झालेला खर्च रुपये २०,००,०००/- (रुपये वीस लाख फक्त) इतका होता व प्रत्यक्षात खर्च रुपये १९,५०,०००/- (रुपये एकोणीस लाख पन्नास हजार फक्त) इतका होता. या इमारतीचे बांधकाम दिनांक २४ नाेव्हेंबर १९२३ रोजी पूर्ण होणे अपेक्षीत होते परंतु ते दि-३१ ऑक्टोंबर १९२८ रोजी पूर्ण झाले. या इमारतीचा आराखडा व बांधकामासाठी खालील अधिकारी यांनी योगदान दिले. त्यामध्ये सल्लागार वास्तुविशारद एस. वुड्स हिल (ए.आर.आय.बी., ए.एफ.यु.बी.ए.) सल्लागार वास्तुविशारद जे. मर्सर, (एल.आर.आय.बी.ई.), कार्यकारी अभियंता ई.पी.वॉस्टर, (ए.एम.आय.सी.ई), पी.एल.बॉवर्स (सी.आय.ई.एम.सी., ए.एम.आय.सी.ई) कार्यकारी अभियंता ए.ई.शार्प, (बी.एस.सी., ए.एम.आय.सी.ई.) आणि सहाय्यक अभियंता, जे. के. पान्से व ठेकेदार के. बी. मांडके.